सरकारले आगामी आर्थिक वर्ष २०८३/०८४ का लागि २१ खर्ब २४ अर्ब ३४ करोड रुपैयाँ बराबरको बजेट सार्वजनिक गरेको छ । शुक्रबार संघीय संसद्को संयुक्त बैठकमा बजेट प्रस्तुत गर्दै अर्थमन्त्री डा. स्वर्णिम वाग्लेले चालु खर्च, पूँजीगत खर्च र वित्तीय व्यवस्थापनलाई समेटेर उक्त आकारको बजेट ल्याइएको जानकारी दिए ।
बिज्ञापन
सरकारले कुल बजेटमध्ये चालुतर्फ १२ खर्ब ७० अर्ब रुपैयाँ विनियोजन गरेको छ भने पूँजीगत खर्चका लागि ४ खर्ब ३१ अर्ब रुपैयाँ छुट्याएको छ । यस्तै वित्तीय व्यवस्थापनतर्फ ४ खर्ब २२ अर्ब रुपैयाँ विनियोजन गरिएको अर्थमन्त्री वाग्लेले बताए ।
बिज्ञापन
बजेट कार्यान्वयनका लागि सरकारले १४ खर्ब ४ अर्ब रुपैयाँ राजस्व उठाउने लक्ष्य राखेको छ । त्यस्तै वैदेशिक अनुदानमार्फत ६१ अर्ब ७४ करोड रुपैयाँ प्राप्त हुने अनुमान गरिएको छ भने वैदेशिक ऋणबाट २ खर्ब ४७ अर्ब रुपैयाँ जुटाइने योजना रहेको छ ।
बजेटको स्रोत व्यवस्थापनका लागि सरकारले आन्तरिक ऋणबाट ४ खर्ब १० अर्ब रुपैयाँ उठाउने लक्ष्यसमेत लिएको छ । सरकारले आर्थिक सुधार, प्रशासनिक पुनर्संरचना, पूर्वाधार विकास तथा सामाजिक सुरक्षा कार्यक्रमलाई प्राथमिकतामा राख्दै बजेट ल्याएको जनाएको छ ।
बिज्ञापन
